تنويه هام للجميع

السلام عليكم ورحمة الله وبركاته
اولا ربنا يقوى الجميع فى الفتره الجايه ان شاء الله
ثانيا بما ان فى حماس بالشكل الجميل دا يبقى الحماس دا اكيد محتاج اننا ننظمه ونرتبه
بمعنى :احنا محتاجين حاليا نرجع المنتدى لحالته اللى كان عليها ودا ان شاء الله هيتم لكن محتاج ترتيب افكار
احنا طبعا عاوزين نجذب الزائر اللى بيدخل للمنتدى دا انه يلاقى ماده مفيده له يحملها ويستفاد منها
دا محتاج اننا نركز على الاقسام اللى لها الاولويه والاقسام اللى فعلا بتجيب زوار واعضاء للمنتدى
ومن اهم الاقسام دى هى البرامج والالعاب وغيرها ولكن انا شايف ما شاء الله زى ما قلت حماس لكن الحماس دا لو راح على اقسام اقل نشاطا واقل احتياجا للزائر مثل فضفضه والمنتدى العام دول طبعا اقسام مهمه لينا ولكن معتقدش ان فى زوار بتسجل علشان تدخل لفضفضه او العام
فأحنا هنركز يا جماعه ونحط هدف وخطه بسيطه نمشى عليها وهى ان الاقسام المهمه اللى فقدت موضوعات حصريه نرجع لها احنا نشاطها مره تانيه بموضوعات اهم من اللى كان موجوده قبل كدا ودا اللى فعلا هيجعل اى زائر للمنتدى عضو معنا
ارجع واقول لان فى اولويات للاقسام اللى بتشغل اى منتدى فى الدنيا
وليا طلبين واحد من الاخ محمد سعودى وواحد من الاخوه الافاضل فى المنتدى
اول طلب انه اتمنى يعمل قسم لانظمة التشغل ودا من اهم الاقسام فى اى منتدى ولهع نشاط فى كل منتدى وله زوار واعضاء بشكل كويس جدا وعن تجربه بقول دا ..يا ريت فعلا نشوف قسم من ضمن اقسام البرامج اسمه انظمة تشغيل
الطلب الاخر من الاخوه الاعضاء اتمنى اننا نرجع نكثف نشاطنا لكن قبل ما نكثف النشاط دا والاهم من اننا نكثفه لازم نوجه النشاط دا فى مكانه الصح فى المنتدى لانى زى ما قلت مسبقا فى اقسام لها الاولويه مينفعش كلنا نشتغل على العام وفضفضه ونسيب اهم الاقسام تفضيلا للزوار وان شاء الله قريب جدا يرجع المنتدى لحالته اللى كان عليها
ودا هيحصل ان شاء الله بس علشان دا يحصل هنحتاج نطبق قانون : ان موضوعاتنا تكون على اد ما نقدر نخليها حصريه : يعنى اللى عنده برنامجاو لعبه نادره او خلافه وسرعة النت عنده تساعده ياريت لو يتكرم ويرفع البرنامج او ايا كان الماده اللى مفيده للاعضاء وحصريه فى نفس الوقت ..يتكرم ويرفعها لنا بباسورد صحبه
وان شاء الله كله هيبقى تمام
ومهما كان فى اى خلافات فى اى وقت بين الاعضاء وبعضها او بين اى فرد والتانى لكن دا ميمنعش اننا مينفعش اننا ندخل على صفحات صحبه نلاقى الشكل دا حاصل فى المنتدى اللى اغلبنا عرف يعنى ايه منتديات من خلال صحبه نت
فى الاخر هقول ربنا يقوى الجميع ونقدر نحط مواد فى المنتدى دا تخليه افضل من الاول كمان ودا هيعتمد على الشباب الجدعه والبنات النشيطه اللى معانا فى المنتدى انهم يثبتولنا انهم ميقدروش يستغنو عن صحبه او يضحو بالمنتدى
يللا يا شباب الكل يشارك وان شاء الله يرجع المنتدى مفيد للجميع اكتر من الاول
وكلامى دا مجرد وجهة نظر واللى خلانى عملت الموضوع دا لانى شايف اه حماس بس من غير تنظيم ودا ممكن يضر مش ينفع لانه هيوجه طاقة الحماس دى كلها فى اقسام معتقدش فى زوار بتسجل من اجلها ولكن احنا الاول نأسس الاقسام اللى بتجيب اعضاء ونملاها حصريات وبعد كدا او فى نفس الوقت بلاش كلمة بعد كدا دى نفس الوقت اللى هنشغل فيه اهم الاقسام مفهاش مشكله لما نشغل باقى الاقسام زى العام وفضفضه لكن نرجع ونقول فى اولويات ومحتاجين تنظيم
وربنا مع الجميع ويصبر صاحب المنتدى ان شاء الله لكن دا له حكمه ربنا مبيعملش حاجه من غير سبب وان شاء الله تكون الحكمه دى داله على الخير
ويللا يا شباب نرجع المنتدى زى ما كان واحسن كمان نشطو ونظمو نفسكم
بالتوفيق للجميع ان شاء الله
السلام عليكم